Бас прокуратурада Заманбек Нұрқаділовтың өлімі туралы қылмыстық істің қайта қаралуы туралы ақпаратқа түсініктеме берілді.

— Әлеуметтік желілерде Бас прокуратураның Заманбек Нұрқаділовтың қаза болу фактісі бойынша қылмыстық істі тергеуді қайта бастағаны туралы ақпарат таратылуда. Бас прокуратура бұл мәліметтер шындыққа жанаспайтынын хабарлайды. Қайрат Нұрқаділовтың үндеуі ведомствода қаралуда, — делінген Бас прокуратураның Telegram-каналында.

Заманбек Нұрқаділов — қоғам қайраткері, Алматы облысының бұрынғы әкімі, Қазақстанның Төтенше жағдайлар жөніндегі агенттігінің бұрынғы басшысы. 2005 қайтыс болды.