Түркияның вице-президенті Фуат Октай Режеп Ердоғанның жалақысы 66 445 лираны құрайтынын, бұл теңгеге шаққанда 1 669 763 теңгені құрайтынын мәлімдеді.

Dunya мәліметінше, Түркиядағы орташа жалақы 10 000 лираны (251 300 теңге) құрайды.

Қазақстандағы көп әкімдер Түркия президентінен көп жалақы алады. Шығыс Қазақстан облысының әкімі Даниал Ахметовтың жалақысы екі миллион теңгені құрайды. Ахметов барлық әкімдердің базалық жалақысы бірдей, бірақ жалақының өсуі жұмыс өтіліне байланысты екенін айтқан еді.

Бұрын елорда әкімі болған премьер-министрдің орынбасары Алтай Көлгінов әкім қызметінде 1,9 млн теңге мөлшерінде жалақы алды.

Ердоғанғанмен салыстырғанда жалақысы көп әкімдер қатарында Қызылорда облысының бұрынғы әкімі Гүлшара Әбдіхалықова да бар.