Алматыда 15 желтоқсан күні азаматтық белсенді Есанбой Ходжиев жалғыз адамдық пикетке шығып, Үкіметтің отставкасын талап етті.

Пикетке шыққан белсенді ту жамылып, Үкімет отставкасын талап етемін және әкімдер сайлансын, жемқорлыққа жол жоқ деген жазуы бар плакат ұстап келген.

– Халықты қымбатшылық тоздырып жіберді. Қай дүкенге барсаң да, өзімізден шығытын заттардың да құны аспанға ұшқан. Сол үшін қазір халықтың деңгейіне жауап бере алмайтын үкімет отставкаға кетуі тиіс деп ойлаймын. Бұған дейін президент жаңа Қазақстан құрамыз, жаңа Қазақстанда еститін үкімет болады деген. Бірақ президент болып сайланған соң үкіметті тағы да жұмыста қалдырды. Бұл дұрыс емес деп есептеймін, – деді ол.

Азаттық мәліметінше, Ходжиев пикет шығатынын қала әкімдігіне ескерткен. Алайда әкімдік заңда көрсетілген мерзімде жауап бермеген.