Қазақстандағы Ресей елшілігі қазақстандықтарды Тәуелсіздік күнімен құттықтап, Мәскеу Тоқаев жүргізіп жатқан реформаларды қолдайтынын және Қазақстанның аумақтық тұтастығын құрметтейтінін айтты.

– 1991 жылғы 16 желтоқсан күні Тәуелсіздік алғаннан бері Қазақстан аз ғана уақыт ішінде толағай табыстарға қол жеткізді. Бүгінде Қазақстан – әлеуметтік-экономикалық даму деңгейі жоғары қалыптасқан демократиялық құқықтық мемлекет, әлемдік қоғамдастықтың толыққанды және құрметті мүшесі. Бұл Қазақстан халқының бірлігінің, патриотизмі мен жалпыұлттық құндылықтарға берілгендігінің арқасында мүмкін болды, – деп жазылған құттықтау мәтінінде.

Ресей дипломаттары екі елдің достық қарым-қатынасы туралы пікір білдірді.

– Біз қазақстандықтардың және республиканың барлық жетістіктеріне шын жүректен қуанамыз, президент Тоқаев жариялаған елдегі ауқымды саяси және экономикалық реформаларды іске асыру бағытын құптаймыз. Мәскеу мен Астана егемендікті, аумақтық тұтастықты құрметтеу және бір-бірінің ішкі істеріне араласпау негізінде стратегиялық әріптестік пен интеграциялық байланыстарды одан әрі нығайтуға және серпінді дамытуға арналған желінің міндеттемесін бірнеше рет растады. Бұл қағидаттар бұдан былай да Ресей-Қазақстан мәңгілік достығы мен одақтастығының тірегі болып қала береді, – деді олар.