Ақтөбеде жантүршігерлік жол апаты болды. Көлік ішінде оқушылар мен волейбол командасының жаттықтырушысы болған. Жол-көлік оқиғасы болған жерде бір бала көз жұмды.

Дәрігерлердің айтуынша, жаттықтырушы ес-түссіз жатыр, жасанды тыныс алу аппаратына қосылған.

– Оң жақ жамбасы жарылған. Сол жақ қолы сынған. Жабық бас-ми жарақатын алған. Миы шайқалып, басы қатты жараланған, – деді облыстық денсаулық сақтау басқармасының басшысы Рүстем Исаев.

Үш баланың жағдайы орташа. Олар хирургиялық бөлім палатасында ем алып жатыр.

Айта кетейік, Қазіргі уақытта осы оқиға бойынша тергеу жүргізілуде. Іс облыс әкімі Ералы Тоғжановтың қатаң бақылауында.