Әділет министрлігі «Ел тағдыры» партиясының құжаттарын тіркеуге қабылдады.

2022 жылғы 22 желтоқсанда құжаттардың ұсынылғаны расталды, – деп жазылған министрлік хабарламасында.

Партияны тіркеу үшін бірнеше кезеңнен өту керек. Құжаттарды ұсынудың бірінші кезеңі өтті. Бұған дейін Әділет министрі Қанат Мусин «Байтақ» партиясының тіркелгені туралы хабарлап, «Алға, Қазақстан» және «Ел тағдыры» партияларынан өтініштер келіп түскенін айтқан еді.

Еске салайық, 30 қараша күні Қазақстанда «Байтақ» жаңа саяси партиясы тіркелді.