Өрт сөндіруші Марлен Әбенов Павлодардағы үйлердің біріндегі өрт кезінде адамдарды құтқарып, халықтың алғысын алды.

Instagram-да жарияланған ақпаратқа сәйкес, Марлен Әбенов қауіпті жағдайда қалған көршісіне шығуға көмектесіп, кейін жертөледегі жалынды өшіруге тырысқан.

– Оның бет-әлпетінен қауіпті іске бел байлағанын көруге болады. Біздің өрт сөндірушілер – нағыз батыр, – деп жазылған хабарламада.

Қазнет қолданушылары Марленнің ісіне тәнті болып, отбасына денсаулық тіледі, сондай-ақ ата-анасына осындай ұл тәрбиелегендері үшін алғыс айтты.

Айта кетейік, бүгін Павлодарда Ломов көшесі, 152/2 мекенжайындағы тоғыз қабатты тұрғын үйде өрт шыққан. Өрт салдарынан 9-қабаттағы №54 пәтердің үш тұрғыны зардап шекті. Ересек адам және екі бала көміртегі тотығымен уланған.