Бүгін, 5 қаңтар күні Мәжілістің жалпы отырысы өтті. Бас прокурор Берік Асылов Қаңтар оқиғасы туралы мәлімдеме жасады.

Бас прокурордың сөзінше, жыл бойы радикалды шара қолдану үшін орындаушыларды дайындаған.

– 2021 жылы жыл бойы жасырын түрде радикалды шара қолдану үшін орындаушыларды дайындау жүргізілгенін ғана айта аламын. Орындаушылардың қатарында ұйымдасқан қылмыстық топтар болған. Олар адамдарды жинап, қаруландырған, рация және көлік сатып алған. Тергеу анықтағандай, осы бүлдіргі әрекеттердің басында күш құрылымдарының жекелеген өкілдері тұрған, – деді Асылов.

Айта кетейік, бүгін қаңтар оқиғасына бір жыл толды. Алматыда белсенділер Қаңтар құрбандарын еске алды.

Сондай-ақ мемлекет басшысы Қасым-Жомарт Тоқаев қаңтар құрбандарының рухына құран бағыштады.