Екібастұз жылу-энергетикалық орталығында (ЖЭО) ақау орын алып, жылу тасымалдағыштың параметрлері төмендеді, деп хабарлайды Exclusive.kz.

– Өткен тәулікте станцияның негізгі жабдықтарының істен шығуына байланысты жылу тасымалдағыштың параметрлері төмендеді. Таңертең қызмет көрсету температурасы 66 градус болды. Сағат 9.45-те қазандық агрегатындағы жұмыстар аяқталды, – деді Екібастұзтеплоэнерго бас директорының міндетін атқарушы Дмитрий Захаров.

Оның айтуынша, алты қазандық агрегаты бар, жылу тасымалдағыштың параметрлері қалпына келіп жатыр.

Бұл жағдайға қатысты Екібастұз қаласының әкімі Аян Бейсекин пікір білдіріп, жылу орталықтары штаттық режимде жұмыс істеп тұрғанын айтты.