Қаңтар оқиғасы туралы кітап жазған ресейлік жазушы Леонид Млечин кітаптағы деректерді әлеуметтік желіден алғанын айтты, деп хабарлайды Exclusive.kz.

Қазақстандағы кітап дүкендерінде Леонид Млечиннің қаңтар оқиғасы туралы кітаптары сатылып жатыр. Tengrinews.kz тілшісіне сұхбат берген жазушы кітаптың қазақша аудармасы шығуы мүмкін екенін де айтты.

Леонид Млечин кітап жазбастан бұрын Алматыға келгенін және бұл оқиғаны көзбен көрген тұрғындармен пікір алмасқанын атап өтті.

Сондай-ақ жазушы «бұл кітапты Қасым-Жомарт Тоқаев оқыды ма?» деген сұраққа жауап берді.

– Шынымды айтсам, президенттің кітапты оқуға уақыты болады деп сенемін. Мен оның жаңадан шыққан кітаптарды мұқият қадағалап, көп оқитынын білемін, – деді ол.

Аталған кітапта Назарбаевтың Қауіпсіздік кеңесінің басшысы қызметін Тоқаевқа бергісі келмегені туралы, Қаңтар оқиғасындағы Кәрім Мәсімовтің рөлі, Президентке елден кету үшін ақша ұсынылғаны туралы түрлі ақпараттар кездеседі.