Қорғаныс министрлігі департаментінің басшысы жемқорлық фактісі бойынша күдікке ілінді, деп хабарлайды Exclusive.kz Сыбайлас жемқорлыққа қарсы қызметке сілтеме жасап.

Сыбайлас жемқорлыққа қарсы қызмет Қазақстан Республикасы Қорғаныс министрлігінің құрылымдық бөлімшесінің басшысына қатысты сотқа дейінгі тергеп-тексеруді бастады.

– Қорғаныс ведомствосының ақпараттандыру департаменті бастығының м.у.а. бейнеконференцбайланыс жабдығын жеткізу мерзімдерін бұза отырып, қабылдау-тапсыру актісіне кедергісіз қол қойғаны үшін жеткізушіден 20 000 АҚШ доллары сомасында пара алды деп күдіктелуде, – деп жазылған хабарламада.

Айта кетейік, күдікті ұсталды. Ол Астана қаласының тергеу сотының санкциясымен қамауға алынды. Тергеу жалғасып жатыр.