Бүгін шетелдік автокөліктерді заңдастыру рәсімі басталды. eGov.kz электрондық үкіметтің мобильді қосымшасында шетелдік автокөліктерді заңдастыру бойынша сервис іске қосылды, деп хабарлайды Exclusive.kz.

Жаңа сервис шетелдік нөмірлік белгілері бар көлік құралын заңдастыру құқығын алуға мүмкіндік береді. Жеке тұлғалар шетелдік көліктерді 2023 жылдың 23 қаңтарынан 1 шілдесіне дейін заңдастыра алады.

Қызмет тек электрондық өтініш беруге арналған. Алғашқы тіркеу үшін 200 мың теңге, тех.паспортқа мемлекеттік БАЖ 4 мың 313, ал мемлекеттік нөмір үшін 9 мың 660 теңге төлеу қажет. Сондай-ақ Шетелдік көлік иелері утиль алымнан босатылады.