Сыбайлас жемқорлыққа қарсы қызмет «Алматы жылу желілері» бас директорының ұсталғаны туралы ақпаратты растады, деп хабарлайды Exclusive.kz.

Бұған дейін әлеуметтік желілерде Бейсенбиновтың жеткізушіден 16 миллион теңге пара алды деген күдікке ілінгені туралы ақпарат тарады.

Қуаныш Бейсенбинов 2018 жылдың сәуір айында Алматы жылу желілері ЖШС басшысы болып тағайындалды.

2016 жылдың қараша айынан бастап Алматы Су коммуналдық кәсіпорнын басқарған. Сондай-ақ Алматы энергетика және коммуналдық шаруашылық басқармасы басшысының бірінші орынбасары қызметін атқарды.

2009 жылы Астана энергетика және коммуналдық шаруашылық басқармасының басшысы болды.