Алматыдағы пансионат атын жамылған қайырымдылық мекемесінде кәмелет жасына толмаған балаларды ұрып-соққан, деп хабарлайды Exclusive.kz.

– Алматы полиция департаменті балалар интернат үйінің атын жамылған қайырымдылық мекемелерінің кәмелетке толмаған балаларды ​​өз-өзіне қол жұмсауға және басқа да қылмыстарға итермеледі деген күдікпен қылмыстық істі тергеп жатыр. Бұл пансионаттарда тұратын кәмелет жасына толмаған балалар жүйелі түрде діни ұйымдар мен намаз оқуға тартылған. Қарсы шыққан балаларға тамақ пен су бермей жазалаған. Тіпті физикалық зорлық-зомбылық көрсетілген, – деп жазылған полиция департаментінің хабарламасында.

Қайырымдылық мекемесін тінту кезінде аталған орыннан шетелдік діни әдебиеттер мен оқу құралдары, Қазақстанда экстремистік деп танылған және таратуға тыйым салынған материалдар табылды.