Қазақстандық шахматшы Бибісара Асаубаева гроссмейстер Сергей Карякинді жеңді.

– Мәскеуде өтіп жатқан шахмат жұлдыздары халықаралық турнирінде сенсация орын алды. Блиц бойынша екі дүркін әлем чемпионы Бибісара Асаубаева жарыстың басты фавориті Сергей Карякинді жеңді. Бибісараның блицтегі әлем чемпионы екені тағы да байқалды. Салқынқанды ойын көрсеткен қазақстандық шахматшы Сергейдің керемет қорғанысына қарамастан, жеңіске жетті, – деп жазылған Спорт және дене шынықтыру істері комитетінің хабарламасында.

Айта кетейік, Карякин – әлемдегі ең мықты гроссмейстер, қазіргі уақытта оның 2739 ұпайы бар.

– Жалпы, мен жақсы ойнадым, нәтижеге ризамын. Әрине, кішігірім қиындық болды. Мен тек бір партиядан ұтылдым. Асаубаева өте жақсы ойнайды, әлем чемпионы, сондықтан оған қарсы жеңілу ұят емес. Жалпы бәрі жақсы, – деді Карякин ойыннан кейін ТАСС агенттігіне берген жауабында.