Алма Нұтышева мемлекет басшысы Қасым-Жомарт Тоқаевқа бейне үндеу жасады, деп хабарлайды Exclusive.kz.

Үндеуде Нұтышева Арон Атабектің 70 жасқа жете алмағанын атап өтті. Сондай-ақ әкесінің түрмеден салмағы 47 кг, бойы 183 см болып шыққанын еске салды.

–Менің әкем рухын биік ұстап, өзін ақтауды талап етті. марқұм әкемді ақтауыңызды сұраймын. Шаңырақ оқиғасы туралы істі қайта қарауыңызды және бұрынғы биліктің қателіктерін түзетуіңізді сұраймын, – деді Нұтышева үндеуде.

Еске салайық, Шаңырақ оқиғасынан кейін 18 жылға сотталған Арон Атабек 2021 жылы шартты жазамен босап шықты. 15 жыл түрмеде болған диссидент 24 қарашада қайтыс болды.