Сарыарқа ауданының №2 соты журналист әрі блогер Махамбет Әбжанды 9 жылға бас бостандығынан айырды, деп хабарлайды Exclusive.kz.

– Сот Әбжан Махамбет Мұратбекұлын 9 жылға бас бостандығынан айырды, – деді судья Айжан Құлбаева.

Айта кетейік, 1 ақпан күні прокурор аса ірі мөлшерде ақша бопсалады деген айыппен М. Әбжанды 11 жылға бас бостандығынан айыруды сұрады.

Еске салайық, 2022 жылдың 3 шілдесінде Әбжан 50 млн теңге алып, ұсталды. Рашид Махат есімді кәсіпкер бопсалау туралы өтінішпен полицияға жүгінген.