Павлодар қаласының Әкімшілік құқық бұзушылық істері жөніндегі мамандандырылған соты бюджет ақшасын тиімсіз жоспарлаған және пайдаланғаны үшін облыстық полиция департаментінің бұрынғы басшысы Нұрлан Мәсімовке қатысты екі істі қарады, деп хабарлайды Exclusive.kz.

Іс материалдарына бойынша, 2021 жылы қызметтік жануарларға жем сатып алуға 60 872 100 теңге бөлінген. Алайда, Павлодар облысының ПД нормаларды бұза отырып, 18 жылқыға арналған жемшөпті 10 693 000 теңгеге артық жоспарлаған.

2022 жылы дәл осындай мақсатқа 13 млн 394 мың теңге бөлінді. Бірақ ПД тағы да 18 жылқыға арналған жем нормасын 8 503 400 теңгеге жоспарлаған.

– Нұрлан Мәсімовтің кінәсі әкімшілік құқық бұзушылық туралы хаттамалармен, тексеру актісімен, тексеру комиссиясының материалдарымен, айғақтармен және сот зерттеген басқа да дәлелдемелермен дәлелденді, – делінген соттың баспасөз қызметі таратқан хабарламада.