«Қазақстан жерін Ресейге беру керек» деген Орал тұрғыны Максим Яковченко Ресейден босқын мәртебесін алды, деп хабарлайды Exclusive.kz masa.media-ға сілтеме жасап.

Батыс Қазақстан облыстық полиция департаменті сол себепті Максим Яковченконы экстрадициялау мүмкін еместігін және былтыр желтоқсанда Ресейдің Ростов облысында жүргенін айтты.

Оның Ресей аумағында босқын мәртебесі бар болғандықтан, қазіргі кезде күдіктіні экстрадициялау мүмкін емес, – делінген полиция хабарламасында.

Еске салайық, Максим Яковченко 2022 жылдың басында әлеуметтік желідегі парақшасында жазба жариялады. Бұл қоғамда қызу талқыланды.

–Орал, Петропавл, Павлодар және өзге аймақтарды Ресейге беру керек, – деп жазды ол.