Қоғам қайраткері Арман Шораев «Қазақстан Республикасындағы тілдер туралы» Заңның бабын өзгерту туралы ұсынысын қолдауды сұрады, деп хабарлайды Exclusive.kz.

Депутаттыққа үміткер Конституцияның жетінші бабын алып тастауды ұсынды. Аталған бапта мемлекеттік органдарда орыс тілін қазақ тілімен тең дәрежеде қолдануға болатындығы көрсетілген.

– ҚР Конституциясының 7-бабы, 2-тармағында жазылған

және Қазақстан Республикасы «Тiл туралы заңының» 5-бабындағы: «Мемлекеттiк ұйымдарда және жергiлiктi өзiн-өзi басқару органдарында орыс тiлi ресми түрде қазақ тiлiмен тең қолданылады»,- деген мәтінді алып тастауды талап етемін! Қазақ елі аумағында тек қазақ тілі мемлекеттік және ресми тіл болуға тиіс деп санаймын, – деп жазды ол әлеуметтік желідегі парақшасында.

Бұған дейін Арман Шораев Ұжымдық қауіпсіздік туралы шарт ұйымын (ҰҚШҰ) сынға алып, ішкі қақтығыстарға байланысты ұйымның екі жыл ішінде ыдырайтынын айтқан еді.