Түркияда болған жер сілкінісінен қаза тапқандар саны 40 мыңға жақындады. Бұл туралы Түркия ІІМ басшысы Сүлейман Сойлу мәлімдеді, деп хабарлайды Exclusive.kz.

– Соңғы мәліметтерге сәйкес, жер сілкінісі 39 672 адамның өмірін қиды, 105 505 адам зардап шекті, – деді ол TRT эфирінде.

Апат кезінде құлаған 20 мыңнан астам ғимарат орынында іздестіру-құтқару жұмыстары жүргізіліп жатыр. Ведомство басшысы іздестіру-құтқару жұмыстарының басым бөлігі аяқталғанын хабарлады.

Айта кетейік, кеше Қазақстан Түркияға гуманитарлық көмек жіберді. Гуманитарлық көмектің жалпы көлемі – 55 тонна. Жүк әуе көлігімен Түркияның Газиантеп қаласына кетті.