Бүгін Астанада Түркиядан келген құтқарушыларды күтіп алды, деп хабарлайды Exclusive.kz.

ТЖМ баспасөз қызметі хабарлағандай, Газиантеп қаласындағы жойқын жер сілкінісінің салдарын жою жұмылдырылған қазақстандық құтқарушылардың екінші эшелоны Отанына аман-есен оралды.

– ТЖ министрі Юрий Ильин және Түркияның Қазақстандағы Төтенше және Өкілетті Елшісі Уфук Экиджи құтқарушыларымызды күтіп алды және атқарған жұмысы үшін алғысын білдірді. Қазақстан ТЖМ құтқарушыларының күшімен 7 адам құтқарылды. Қаза тапқан 88 адамның денесі шығарылды, – деп жазылған хабарламада.

Айта кетейік, Түркияда болған жер сілкінісінен қаза тапқандар саны 40 мыңға жақындады. Қазақстан Түркияға екі мәрте гуманитарлық көмек жіберді.