Алматыда журналист Вадим Борейконың операторының екі көлігін жарып жібергені туралы оқиға бойынша қылмыстық іс қозғалды, деп хабарлайды Exclusive.kz.

– Бұл факт ҚР ҚК 202-бабының 2-бөлігі (бөтеннің мүлкін қасақана жою немесе бүлдіру) бойынша тіркелді. Сотқа дейінгі тергеп-тексеру шеңберінде өрт-техникалық сараптамасы тағайындалды. Оқиғаның мән-жайы анықталып жатыр, – деп хабарлады полиция қызметкерлері.

Айта кетейік, бүгін журналист Вадим Борейко белгісіз біреулер оның операторының екі көлігін жарып жібергенін айтқан еді.

– 20 ақпанда менің операторымның екі көлігін үйінің жанында жарып кетті, – деп жазды журналист Facebook-те.