Түркияның Хатай провинциясында жер сілкінісі болды. Бұл туралы жергілікті сейсмологтар мәлімдеді, деп хабарлайды Exclusive.kz.

Жер сілкінісінің магнитудасы 6,4 болды. Эпицентр Түркия мен Сирияның шекарасы. Жер сілкінісінің ошағы екі шақырым тереңдікте жатты. Еуропалық сейсмологтардың айтуынша, зілзала Ливанда, Сирияда, Израильде және Кипрде де сезілген.

Хатай провинциясының губернаторы Лутфю Саваш үйлердің қирағанын, үйінділердің астында адамдар болғанын айтты.

CNN Türk телеарнасы Хатайға Түркия президенті Режеп Тайып Ердоған келгенін хабарлады. Бірақ Ердоған жер сілкінісі кезінде Кахраманмарашта болған.