Ұжымдық қауіпсіздік туралы шарт ұйымының (ҰҚШҰ) Бас хатшысы Иманғали Тасмағамбетов Ресей Қорғаныс министрі Сергей Шойгумен кездесті, деп хабарлайды Exclusive.kz ұйымның баспасөз қызметіне сілтеме жасап.

– 20 ақпан күні ҰҚШҰ Бас хатшысы Иманғали Тасмағамбетов Ресей Федерациясының Қорғаныс министрі, армия генералы Сергей Шойгумен кездесті. Кездесуде ұйымның әскери құрамдас бөлігін дамыту және оның әлеуетін жетілдірудің өзекті мәселелері талқыланды, – делінген хабарламада.

Тасмағамбетов Қырғызстан аумағында ҰҚШҰ бітімгершілік күштерінің оқу-жаттығуын өткізу ұсынылатынын айтты.

– Қыркүйек айында өзара іс-қимыл-2023 жедел әрекет ету ұжымдық күштерімен оқу-жаттығу, іздеу – 2023 және Эшелон – 2023 барлау күштерімен материалдық-техникалық қамтамасыз ету бөлімшелерімен арнайы оқу-жаттығу жоспарланған. Ұжымдық күштерді басқару жүйесін, атап айтқанда, байланыс саласында жетілдіру бойынша жұмыстар жүргізіліп жатыр, – деп атап өтті ҰҚШҰ Бас хатшысы.