Қазақстандық ауыр атлет, Токио Олимпиадасының қола жүлдегері Игорь Сон допинг қолданғаны үшін 8 жылға турнирлерге қатысудан шеттетілді, деп хабарлайды Exclusive.kz prosports.kz-ке сілтеме жасап.

2022 жылдың 2 наурызында спортшы допинг-тест тапсырған еді. Тест оң нәтиже көрсетті.

Ұлттық допингке қарсы орталық 2022 жылғы 9 ақпан мен 2 наурыз аралығында спортшыларға жарыстан тыс допинг-бақылау жүргізді. Қазақстан ауыр атлетика федерациясының ресми сайтында жарияланған мәлімдеме тізімінде Игорь болды.

Сондай-ақ, тізімде ұлттық құрама сапындағы тағы бес ауыр атлет бар: Абылай Әділханов, Алексей Дроздов, Матвей Макрушин, Юлия Потасова және Руфина Чалкарова.