Азаматтық белсенді Әсия Төлесова бүгін сайлау тізімінен шығып қалды, деп хабарлайды Exclusive.kz.

Төлесова таңертең аудандық сайлау комиссиясына шақырылған. Комиссия белсендіге сайлаудан шығарылғанын айтты. Бұған себеп – декларация талабына сай келмеуі. Бірақ Төлесоваға хаттама берілмеді.

– Қолдауларыңыз қажет, біз соңына дейін сайлау құқығымызды қорғаймыз, – деп жазды ол әлеуметтік желідегі парақшасында.

Айта кетейік, бұған дейін оның анасы Жанар Жандосова да декларацияның сәйкес келмеуіне байланысты сайлаудан шығарылған еді. Енді ол тіркеуді сот арқылы қалпына келтіруге ниетті. Жандосова жылжымайтын мүліктің үлестік құрылысы туралы шарттар бағанында салынып жатқан нысандар туралы шарттарды көрсеткенін және соның себебінен сайлау тізімінен шығып қалғанын айтады.

– Шындықты айту да заңбұзушылыққа жата ма? – деп жазды Жандосова өз парақшасында.