Түркияда жер сілкінісі кезінде жермен-жексен болған Нурдагы қаласының мэрі Оккеш Кавак қамауға алынды, деп хабарлайды Exclusive.kz.

Нурдагыда қираған ондаған үйді қала кеңесінің мүшесі Юнус Кайдың компаниясы салған. Юнус Кай Оккеш Кавак басқарған құрылыс компаниясымен бірлескен жобалар жүргізгені анықталды.

Айта кетейік, Түркияда жер сілкінісі кезінде ғимарат құлап, адамдар қирандының астында қалды. Осыған байланысты 612 адамға қатысты іс қозғалған. Түркияның Әділет министрі Бекир Боздаг олардың 184-і қамауға алынғанын айтты. Тұтқындардың арасында құрылыс мердігерлері, ғимараттардың иелері және менеджерлер бар.