27 ақпан күні Алматыда Мәжіліс депутаттығына кандидаттардың теледебаттары өтті.

Жер құқығы сарапшысы, кәсіби сот заңгері Бақытжан Базарбек Мұхтар Тайжанды «халықтың атын жамылып, пайда тауып отырсыз» деп айыптады, деп хабарлайды Exclusive.kz.

– Сіз Ақордада жұмыс істедіңіз, Назарбаевпен қызметтес болдыңыз. «Қазақстан-2030» жобасын әзірлеуге де атсалыстыңыз. Енді өзіңізді сүттен ақ, судан таза етіп көрсеткіңіз келеді, – деді заңгер.

Мұхтар Тайжан оның кейбір айыптауларымен келісіп, 2016 жылы жер туралы митингке өзі секілді «популистермен» бірге неге шықпағанын сұрады.

– Сізде бәрі бос сөз, ешқандай іс жоқ. Сіз мақтанқұмар адамсыз. 2016 жылы жер мәселесіне байланысты конференциялар ұйымдастырдым. Сіз халық деп шырылдаған болып, өз бизнесіңізді жүргізіп отырсыз, – деп жауап берді Бақытжан Базарбек.