Бүгін Қазақстанға АҚШ Мемлекеттік хатшысы Энтони Блинкен келеді. Бұл Блинкеннің алғашқы сапары болмақ, деп хабарлайды Exclusive.kz.

– Бұл менің Қазақстан мен Өзбекстанға мемлекеттік хатшы ретіндегі алғашқы сапарым болады. Мен Орталық Азиядағы әріптестік қатынастарымыздың одан әрі дамуын қалаймын. Сол жерден мен Үндістанға G20 кездесуіне барамын, – деп жазды ол Twitter-де.

28 ақпан күні АҚШ Мемлекеттік хатшысы Энтони Блинкен Қазақстанға алғашқы рет ресми сапармен келетіні туралы ақпарат тарады. Елордада Блинкенді Тоқаев қабылдап, Премьер-Министрдің орынбасары – ҚР Сыртқы істер министрі Мұхтар Тілеуберді келіссөз жүргізеді.

Сондай-ақ, Астанада Блинкеннің қатысуымен С5 + 1 форматында Орталық Азия елдері мен АҚШ сыртқы саяси ведомстволары басшыларының кездесуі өтеді.