Алматыда «Үш қоңыр» және «Весновка» тұрғын үй кешенін салушылар қамауға алынды, деп хабарлайды Exclusive.kz Алматы прокуратурасының баспасөз қызметіне сілтеме жасап.

Алматы прокуратурасы тергеу органының Lider Group Consalt ЖШС директоры мен бірқатар тұлғасын күзетпен ұстау түріндегі бұлтартпау шарасын қолдану туралы өтінішхатын қолдады.

Тұрғын үй кешенін салушылар Алматы қаласының тергеу соты санкциясымен 2 ай мерзімге күзетпен ұстауға алынды.

Сотқа дейінгі тергеп-тексеру жұмыстары жалғасып жатыр. Тергеу органдары істің мән-жайын анықтау бойынша шара қабылдайды және бұл іс прокуратураның бақылауында болады.