«Дикий Арман» лақап атымен танымал Арман Жұмагелдиевті қамау мерзімі 7 сәуірге дейін ұзартылды, деп хабарлайды Exclusive.kz.

– 6 наурызда соттың қаулысымен сотқа дейінгі тергеп-тексеру органының өтінішхаты қанағаттандырылды және Д. қатысты қылмыстық іс материалдарымен танысу кезеңінде қамауда болу мерзімін бір айға дейін, яғни 7 сәуірге дейін ұзартуға санкция берілді, – деп хабарлады Алматының мамандандырылған ауданаралық тергеу соты.

Еске салайық, 11 қаңтарда Алматыда арнайы операция барысында Арман Жұмагелдиев ұсталып, сот шешімімен 2 айға қамауға алынды. 7 қаңтарда Алматыдағы арнайы операция барысында «Дикий Арман» бастаған ұйымдасқан қылмыстық топтың алты мүшесі ұсталған еді.

Содан бері Жұмагелдиевті қамауда ұстау мерзімі бірнеше рет ұзартылды.

Коллаж: Orda.kz