Кезектен тыс президент сайлауында үміткер атанған Мейрам Қажыкен «YNTYMAQ» республикалық саяси партиясын тіркеу үшін сегізінші рет Әділет министрлігіне құжат тапсырды, деп хабарлайды Exclusive.kz.

– Ұйымдастыру комитеті бастамашыл топтың әрбір қатысушысымен мұқият жұмыс жүргізді. «Саяси партиялар туралы» Қазақстан Республикасы Заңының 3-бабының 2-бөлігінде және 8-бабында көрсетілген барлық талаптар ескерілді, – деп жазды Мейрам Қажыкен Facebook-те.

Айта кетейік, Мейрам Қажыкен өткен жылы «Аманат» Қазақстан кәсіподақтар Достастығынан Қазақстан президенттігіне үміткер болып, сайлауда 2,53% дауыс жинады.

Бұған дейін Орталық сайлау комиссиясы партиялық тізімдер бойынша сайланатын Парламент Мәжілісі депутаттарының кезектен тыс сайлауына жеті саяси партияның қатысуына рұқсат берді.

Олар:

«Amanat» Партиясы;

Ақ жол «Қазақстан демократиялық партиясы;

«Ауыл» халықтық-демократиялық патриоттық партиясы;

«Байтақ» партиясы;

Жалпыұлттық социал-демократиялық партия;

Қазақстан Халық партиясы;

«Respublica» Партиясы.